الأربعاء، 5 فبراير 2014

قطع أخدر (7)

الزول (7) 
في واحديـــن كبار لكن ضراعن وافرة
بقضوهو الغرض وكت الخلوق مدافرة
ؤفي واحدين صغار لامن تقوم الآخرة
ما بنشاف عمـــار ليهم نفوسهم فاترة
***
                                                                                       محمد الفاتح أبوعاقلة
مرسلة بواسطة في ليست هناك تعليقات:

قطع أخدر (6)

الزول (6) 
متوكل على الرحمن مفوض أمـرو
الواجب لزومو وفيهو كمل عمــرو
ما بتناطى للفارغات ؤعارف قدرو
والبجوجى بالهشكي بميـز عصرو
                                        محمد الفاتح أبوعاقلة
***
مرسلة بواسطة في ليست هناك تعليقات:

الثلاثاء، 4 فبراير 2014

قطع أخدر (5)

الزّول (5)  
إن قال ليك بسو سوّاي بنجض عوسو
وإن باريتو فوق جلدك بجرجر موســو
دادابو البسـوق أوعاك تمشي تكوســو
حظريك من عكار بحرو وقلب قادوسـو 
***
                                           محمد الفاتح أبوعاقلة
مرسلة بواسطة في ليست هناك تعليقات:

الاثنين، 3 فبراير 2014

قطع أخدر .. الزول (4)

الزول (4)  

بظهرلك هويـن من تواضـع حالــو
ما صقـع القوالـه يلوكا قالو وقالـو
إن عاكستـو في الأول بطــول بالـو
لا تزيد بأم زوير برجاك كتف حبالو
***  
                                                     محمد الفاتح أبوعاقلة
مرسلة بواسطة في هناك تعليقان (2):

الزول (3)

الزول (3)    
ما داب روحو راتي تملي بى جيرانو
لى ضيف الهجوع موقد حطب نيرانو
ناس حاتم وكل كرما العرب حيــرانو
برفق ديـمة بالمحتاج بتب في شانــو
*** 
                                            محمد الفاتح أبوعاقلة
مرسلة بواسطة في ليست هناك تعليقات:

الأحد، 2 فبراير 2014

قطع أخدر (2)

الزول (2) 
الزول أهلـو أول بادي في تفكيرو
باقيلم درق في الحوبة تام تدبيـرو
الضر البقع بسراع بضايرو يديرو
كارن هيلو ميراث ما بفتش غيرو
                                                     محمد الفاتح أبوعاقلة
مرسلة بواسطة في ليست هناك تعليقات:

قطع أخدر (1)

الزول (1)
الزّول بالو واسـع حاشا ما بتعكـر
في نعـم الإلـه المولى ساح يتفكـر
ما سوالو شيـتن راجي بيو يتشكر
تيلاد من كبارو وليهو يوت بتذكر
مرسلة بواسطة في ليست هناك تعليقات:
الاشتراك في: الرسائل (Atom)