الاثنين، 21 أبريل، 2014

رابطة الجزيرة للآداب والفنون


رَابِطَةُ الْجَزِيرَةِ لِلآدَابِ والفُنُونِ
1973 م 
                                 محمّد الفاتح يوسف أبوعاقلة 


       سوف تقدّم المدونة بإذن الله تعالى قريباً، ملفاً كاملاً عن رابطة الجزيرة للآداب والفنون، يتطرق لنشأتها، ومسيرتها، ودورها في الفعل الثّقافي السّوداني...ترقبوه، وساهموا معنا في تحرير هذا الملف المهم !   
أعضاء رابطة الجزيرة للآداب والفنون
إضاءة عامة
     تأسست رابطة الجزيرة للآداب والفنون، بمدينة ودمدني في العام 1973 م، وكانت منطلقاً للحراك الثقافي الحيوي، الذي ينتظم كل أرجاء ولاية الجزيرة وكل ولايات السودان، وهي ترتكز على قاعدة متينة، أساسها بنية الفعل الثقافي، الذي ارتادته حاضرة الجزيرة (ودمدني)، التي ورثت السلطنة الزرقاء، ورعت ميلاد نشاط الحركة الوطنية، وقيام مؤتمر الخريجين الذي دعت له جمعية ود مدني الأدبية، من خلال محاضرة الأستاذ أحمد خير المحامي (واجبنا السياسي بعد المعاهدة) وذلك في عام 1936م. وأحمد خير المحامي هو أحد مؤسسي هذه الجمعية الأدبية الرائدة بمدينة ودمدني. ومدينة ودمدني بتوسطها لمدن السودان، ومزيج سكانها الذي يحمل خصائص معظم الإثنيات السودانية، التي ناداها مشروع الجزيرة للعمل والبناء فلبت نداءه، فكان هذا المكون السكاني الرائع، تعتبر ساحة من ساحات التصوف و(مسايد) الذاكرين العارفين، حيث عرفت أهل الطريق المتصوفة، الذين عمروا ساحاتها بالذكر والإنشاد وعمل الخير!
الشاعر الدكتور محمد عبدالحي (رحمه الله)
الأستاذ الناقد مجذوب عيدروس
      إصدارات

   - المساهمة في معظم أعداد دورية الثقافي التي تصدر من مكتب إعلام وزارة الثقافة بود مدني (بالرونيو).

   - المساهمة في دورية الزرقاء التي تصدرها رابطة سنار الأدبية (بالرونيو).

   - النشر بأوراق اللندنية، وجريدة الأربعاء السُّعودية.

   - النشر بالملاحق الثقافية بالصحافة والأيام ومجلة الخرطوم، ومجلة الثقافة ومجلة الإذاعة والتلفزيون.
    - مجلة الرَّاوي، عدد واحد ( ود مدني عاصمة مناوبة للثَّقافة السُّودانية 2005م).
قراءة شعرية من الباشمهندس يوسف سلمان السيد
خالد كودي
الباشمهندس علي خليفة
الأستاذ المسرحي الناقد عمر محمد السنوسي
  من مقار الرابطة
1-   محلية ود مدني.

2-   اتحاد الفنانين.

3-   BRITISH COUNCIL  

4-   النادي اليوغوسلافي. 
5-   المكتبة العامة بود مدني.  

صلاح محمد الحسن
أحمد الفضل وعمر السنوسي ومحمد الفاتح ومحمد عزالدين وعلي مؤمن والفاتح علما وعلي خليفة وأبوألق 
الأستاذ علي مؤمن والقاص مبارك الصادق
 الباشمهندس يوسف سلمان السيد

           شخصيات أسهمت في مسيرة رابطة الجزيرة للآداب والفنون:  
- الشيخ مدثر علي البوشي.
- د. محمد عبدالحي.
- البروفيسور عصام البوشي.
- محمّد الحاج محمّد صالح.
- عبد الحليم سرالختم.
- طه أحمد كرار.
- مجذوب عيدروس.
- عبد العظيم عبد القادر.
- محمّد محي الدين عبدالقادر
- علي مؤمن.
- بابكر كدنو.
- بشير عبد الرحمن زومبا.
- عادل عبد الرحمن.
- فيصل إبراهيم.
- محمّد عبدالنبي 
- محمّد الفاتح أبوعاقلة. 
- صلاح محمد الحسن.
- خالد كودي.
- إسماعيل دليل.
- محمد  عزالدين.
- السّر خضر.
- أحمد محمَّد السنوسي. 
- عبدالله أبكر.
- عادل سليمان.
- مدني عثمان. 
- طه يوسف عبيد. 
- أسامة الكاشف. 
- عبد القادر محمد إبراهيم. 
- محمّد عوض عبوش.
      - السِّر الزين (المخرج).
      - عمر محمَّد السنوسي.
      - مُنى عثمان بركية.
      - أحمد الفضل أحمد.
      - فيصل أَحمد المكّي. 
      - خليفة النّوحي. 
      - طارق مصطفى. 
       - جعفر نصر.
       - طارق عبدالله الرّيح.
       - حمزة بدوي.
       -عبدالرازق صالح الزين.
       - عصام عبد الحفيظ.
محمد الفاتح أبوعاقلة والفاتح علما وعلي خليفة
الفاتح علما وأحمد الفضل أحمد
أعضاء الرابطة
عمر السنوسي والفاتح علما  
       إصدارات

   - المساهمة في معظم أعداد دورية الثقافي، التي تصدر من مكتب إعلام وزارة الثقافة بود مدني (بالرونيو).

   - المساهمة في دورية الزرقاء، التي تصدرها رابطة سنار الأدبية (بالرونيو).

   - النشر بأوراق اللندنية، وجريدة الأربعاء السُّعودية.

 - النشر بالملاحق الثقافية، بالصحافة، والأيام، ومجلة الخرطوم، ومجلة الثقافة السودانية، ومجلة الإذاعة والتلفزيون.

   - مجلة الرَّاوي، عدد واحد (ود مدني عاصمة مناوبة للثَّقافة السُّودانية 2005م).

الخميس، 17 أبريل، 2014

الجمام ... نص للمدينة البهية المنسية... محمد الفاتح أبوعاقلة



الجَمَّـام ..
                            شعر محمد الفاتح يوسف أبوعاقلة 


حرست الكتمة راكز
والحجر عضّيتو
ما كان القلب عاجز
لكنّي غطّيتـو
كدّيت الصبر مغلوب
طلعت لي زيتو !
غافلني القطا
اتباشرت باريتو
داهمني السراب
البدري عديتـو
عصَّارة هجير
ساساقة مليتـو
طاف بى اليقين
طوّالي شديتو
باصرت الضيار
حنّستو لوليتو
قام برّاحة ساق
وصلّني لى بيتو
ضي في الدّهمة بان
أنا دربو قصِّيتو
دجِّيت بيو كتير
طشيت وخاتيتو
زي اب لمبة كان
في حجانا ظنتيتو
ما  وصلني ميس
باب ريح  وسديتو
في عز الضهاب
سير ناقتي حليتو
فوق الجابرة كان
أنا سرجي دلِّيتو
نوختو وبــرك
توب تعبو فريتو
وين تاني العلوق
يا العاصي جافيتو
قدَّامك رهاب
صبحتو ماسيتو
خليت بى وراك
دربا مضى نسيتو
تعبر في الفراغ
تمسحتو واسيتو
ويا دابك حلب
دمك ؤصفيـتو
جافيت الخدار
ولا هيفو شميتو
شان عزف اليباس
لحنك وغنيـتو
راجيـك الكتير
ال إنت ما رجيتو
حظك كيف يكون
سطرك ؤفطيتو
ما قلت ليك قبيل
في مدني خليتو
في الليم القديم
فوت بى كبري عاشة
وضوق طعم الغباشة
في سوق أم سويقو
تملاك البشاشة
وفي القبة الضمينة
مأوى الصالحين
لى ناس العشير
ناس ترحاب وزينة
لى حي المزاد
الأشواق دفينة
خالدة مع السنين
ود أزرق هناك
التاية الحنينة
أرجع لى الدباغة
وأسراره الدفينة
ميس للكادحين
ودكنان أمان
لى أفراحنا مينا
لى دردق سلام
سدرتنا المتينة
وحي المبدعين
أمشي على البيان
ونغمات الكنينة
في عتره الخدار
حاضن أحلى طينة
والأصل المتين
لى حنتوب كمان
وظلالة الرهينة
لى دار أم بلال
وأشعاره وحنينه
وكباشي الحسين
مارنجان رواية
للإنسان حكاية
صافية كما المراية
ؤدار للطيبيـن
أم سنط العتيقة
رايقة كمان رقيقة
سـارة الناظرين
جزيرة الفيل حبابة
يبهر نور شبابة
وفيها ولف متين
حي البان فراشة
تنعم بى دعاشة
وتلاقيك بشاشة
من الساكنيـن
***
ما بننسى الكريبة
للأرحام قريبـة
فيها عكاظ أديبـة
تايـة العابريـن
الدرجة القيـافة
هادية مع الظرافة
تنسي الجاها شافه
كل تعب السنيـن
حلق وأمشى فوق
مر بى شندي فوق
تتسامى وتروق
ؤتلقى الصامدين
ود أزرق عريق
برفق بى المضيق
فيو نعم الصديق
فيصـل والإزار
عووضة الرفيعة
فيها خلوق بديعة
عمرت الوسيعة
بى عـرق النهار
حبيب الله وعمارو
كوجاك سوا كارو
مسرح في الصقيعة
وفي عز النهار
حي الطملة داره
عجت بالدبارة
بى ناس البصارة
هينين سايحين
حي المكي
جاور غابة أم بارونا
لى ناصر سوا
هيا ارح بارونا
مايو الفيها أهل الذوق
بجو يباشرونا
نمرق بالسنيط
فيها الظلال وشجونة
كانت غابة
 رحلت في البعيد مدفونة
يا حليلا وحيل القيلة
بعد السيرة
 للمكي وجزيرة الفيل
مسيرة طويلة 
*** 
                  كسرة (1) 
بلد راكز ما بتحول
حي الثورة وقسمو الأول
وارث دنقس وبادي الأول
من السني ؤود كنان
ؤشيخ شاطوط وأب شبكة ضمان
ؤكمال حافظ ابن البان
فنان فنان
وحقيقة وصفو هو الإنسان
كتار يا مدني عيالك لكن !
وشك ليهم كالح داكن
جوك الجوك
في غفلة غشوك
لكن من غبنك ما فشوك
غدُّوك بالهم
عشوك بالشوك
وعيالك فاتوا بعيد ما نسوك
*** 
                 كسرة (2)
البوشـي العالم ؤخريجيـن
سعدابي  الجاهد  أحيا الدين
في المساح رمضان وسرور
كمان عمر أحمد يناجي طيور
روايع الكاشف خالده دهور
تفرهد جوه مهج في صدور
سانتو إبراهومة وعمر النور
جنقول الطب جروح ؤكسور
***   
                  كسرة (3)
أيقظت العوالم
ذكراك التشرِّف
هاج شاهد المعالم
 قال ليك إت مخرِّف
وين هدا التقولو ؟
 ما يبست حقولو
وما بتقدر تعرِّف
حال الحال يبكي
هاجر طيرها يابس
لا ريش لا غناوي
والبغشاهـا عابس
كرفس ليها وشُّـو
ؤبوزو يمطو لاوي
ؤقالت يافطة: ابسم !
كيف وسط البلاوي
والفاقـة التكاوي
ولا خياط عراوي
 قادر يلقى حاجة
في ميس الغناوي
الجفَّت لهاته
وطار قمريها فاته
والجمّام معاند
مقلوب نازِّي نازل
ما بلل رفاته
***  
                                محمّد الفاتح أبوعاقلة
                                 الخرطوم  2011م

الاثنين، 31 مارس، 2014

جد جدك



جد جدك زمـان وجدودو قبلو كمان

كانوا شباب وطالوا احتلوا أكبر شان

بدري بنومـوا بدري بصلو للرحمن

الواحد كلس مكروب صميـم ضكران

***

أخو الأخوان ولد من واجبة ما بتأخر

من عرق الشباب لى كبرو عمر ؤوفر

الجدع النجيض الفي المحاصات دفـر

بفرح كونـو أغبش وبالتراب بتعفّـر

***   

في زمن الصبا البدري العمل جـد لازم

عشان عودك طري أخدر ضراعك حازم

قوم داقش ؤكابس ليـل نهارك صـادم

سو اخدم ؤوفر شان تعيـش ماك نادم
***
يا حليل يوم نقولا بنطرى ناس الهمّة

جدودنا زمان بنو وختونا أعلى القمّة

ليش ما نبني نحن جديد نوفّي الذّمة

عيالنا يقولو يا حليل اللي كانوا أئمّة

***

ما عاد الشباب حارس الوظيفة وقاعد

عرف القصة شَدّة حيل والله بسـاعد

بى تمويل بسيط ببدا ويقول يا واحـد

عملا حر أكيد بيهـو بتبينلو شـواهد

***

الكف الخشن بعجب رسولنا محمـد

صلّى الله عليه العند إلهـو ممجـد

عمل بى كفـو لى كل المكارم حـدد

واسع رايـو للكل حاشـا ما بتشدد

*** 
                               محمّد الفاتح أبوعاقلة