الاثنين، 27 يناير، 2014

مربعات متنوعة



مربعات متنوعة
                                 مُحَمَّد الفاتح يوسُف أَبوعَاقلة 




                                               رَص الحروف 
بى رص الحروف ما بتبني ليك قصيدة
تلوك فضلة غنا وما جبت حاجة جديدة
قطع شك الكلام ني ني فرقتـو بعيـدة
من القال غنا وقالت فعايلــو أكيـدة
***
سايرو
هو بالحيل بخدعك إنت انخدعلو وسايرو
عسـى يلفاهو رب الكون يهدّي سرايرو
اتصبر على وأهـدي البسـو في الدايرو
قبال بكـرة عوج الحال يباينو ويضايرو 

 *** 
داب روحو
ما بتلقاهو تب مهما يعصـرك ضيق
يا داب روحو ما خصاهو تاني صديق
قر قر قر بدور الباردة ماهــو رفيق
بخت مصلحتو في الأول ومالها طبيق


***  
ما بديك 

إن دارك هميـم بالحيل يفتش ليك
يسرج الطير يحلب الحيلة إلا يجيك
ؤيوم يقنع يصهين يابا ما يلاقيـك
بدور تديهو ديمـة وضمة ما يديك


***

ليست هناك تعليقات:

إرسال تعليق